Tendo en conta a favorable evolución dos incendios forestais nos que se atopaban despregadas unidades da Unidade Militar de Emerxencia (UME), entre eles o de Valdeoras, ao longo da tarde de onte e esta mañá de sábado, realizaban o seu repregamento graduado ás súas bases de orixe, agás no caso de Tenerife.
Esta unidades teñen colaborado na extinción de 8 incendios forestais cuns 956 militares e 337 medios, segundo os datos feitos públicos pola UME. No de Valdeorras, a UME chegaba na noite do domingo, na que interviña na protección do núcleo de Santigoso (O Barco).
No incendio de Valdeorras desprazábanse uns 113 militares e 43 medios (datos a 20 de xullo), mentres que na actuación na zona Puente de Domingo de Flórez (extensión do incendio de Valdeorras), contábase con 36 militares e 14 medios que realizaban labores de defensa das localidades de Vila, Sobredo e Quereño (Rubiá).
