OurenseÚltima hora

A UME volve despregarse na provincia de Ourense para realizar labores de desinfección

Publicidade

 

Neste luns tiña lugar un novo despregamento da Unidade Militar de Emerxencias (UME) na provincia de Ourense durante a xornada deste luns, dentro da Operación Balmis de loita contra o virus do COVID-19.

Realizaba labores de desinfección en centros residenciais da terceira idade e de persoas con discapacidade de Ourense, Leiro, Ramirás, Pereiro de Aguiar, Riós e Celanova, así como noutras instalacións nas que se producen concentracións de persoas, como as estacións de autobuses e de tren da cidade de Ourense, segundo informa o subdelegado do Goberno en Ourense, Emilio González Afonso.

Esta é a sétima ocasión na que a UME se desprega na provincia de Ourense dende a declaración do estado de alarma. Xa se desprazara a distintos concellos da provincia para efectuar labores de desinfección en centros sanitarios como os hospitais de Ourense e do Barco, centros residenciais e noutras instalacións consideradas sensibles polo elevado número de persoas que se concentran nelas os días 22, 25 e 28 de marzo, e 12, 13 e 14 de abril.

Emilio González agradeceu a colaboración que están a prestar as Forzas Armadas, tanto a UME como a Brilat, para a protección da sociedade ourensá fronte á pandemia do COVID-19.

 

Artigos relacionados

Back to top button