Vera Rodríguez González, xogadora valdeorresa formada na canteira Piz. Tres Cuñados FS que actualmente milita no Ourense Envialia FSF foi novamente chamada pola adestradora Pili Costa para o próximo adestramento da Selección Galega de Fútbol Sala Sub14 Feminina previsto para mañá, martes 9 de xaneiro no Polideportivo Municipal de Reboredo (O Pino) en Santiago de Compostela.
Este é o segundo ano consecutivo que Vera acode ás filas da Selección Galega FSF, pero este ano máis reforzada tras o seu paso o ano anterior en categoría alevín , e os distintos torneos coa selección ourensá.
Este ano debutou co seu actual equipo na liga galega cunha vitoria fóra de casa, neste caso ante o Chapela, sendo a autora de dous goles e un gran partido. Esta convocatoria é sen dúbida un premio ao traballo, constancia, loita e entrega que esta moza mostra polo fútbol sala.
Fotos cedidas.