Tralo éxito das convocatorias na casa, con máis de 1.300 persoas no pavillón de Valanagueiros e máis de 2.000 nos restaurantes, e 300 no Hotel Finisterre da Coruña, a Festa do Botelo do Barco chega a Vigo.
O vindeiro 2 de marzo celebrase no Hotel Coia a VIII edición da festa na cidade olívica. O restaurante deste hotel conta con capacidade para aproximadamente 300 persoas, que para poder participar no xantar deberán reservar con antelación a praza, chamando ao número de teléfono 986 201 820.
Os participantes nesta edición da Festa do Botelo do Barco en Vigo poderán degustar un menú composto de empanada de maravallas, sopa de cocido e botelo con chourizos, repolo e cachelos. A comida estará acompañada de viños da denominación de orixe Valdeorras e rematada con bica e licores.
