O primeiro equipo do Centro de Deportes Barco afronta a recta final da liga con novo cambio no banquiño. Na mañá deste luns 27 de febreiro a directiva anunciaba a través das redes sociais a baixa do técnico Edu Rodríguez debido aos malos resultados colleitados polo equipo.
“O fútbol son momentos, etapas, dinámicas… e como tal, dende a xunta directiva, tómase a decisión de pechar a etapa de Edu Rodriguez como adestrador do primeiro equipo”, aseguran dende o club, agradecendo o “traballo, compromiso e a profesionalidade”, do monfortino que chegaba ao Barco a finais de novembro para facerse cargo do equipo trala marcha de Javier Rey.
O presidente do club, Nilo Ramos, asegura que agora están barallando substitutos.
