En portadaÚltima hora

Aberto ata o 20 de febreiro o prazo para inscribirse no desfile do Martes de Entroido na Rúa

Os Fargalleiros da Rúa Vella no desfile de 2020./ Foto: Mónica G. Bellver.

 

Cun divertido espectáculo de novo circo para público familiar, o desfile de comparsas e folións e o tradicional “enterro da Sardiña” se celebrará o Entroido na Rúa.

O día adicado aos máis pequenos será o domingo 19 de febreiro, co espectáculo ‘Petit Cabaré Pistacatro’ ao que acompañarán divertidas sorpresas de Entroido. Será ás 17:30 horas no Centro Cultural Avenida.

O desfile de comparsas e folións será o Martes de Entroido, 21 de febreiro, a partir das 16:30 horas con saída da rúa Irmáns Xurxo (xunto á Residencia Nosa Señora de Fátima), con axudas e premios especiais recollidos nas bases reguladoras publicadas en www.arua.gal. As inscricións estarán abertas ata o luns 20 de febreiro ás 14h horas no Concello.

E por último, o mércores 22 de febreiro terá lugar o tradicional ‘enterro da Sardiña’ organizado por A Ruada. Comezará ás 20 horas co velorio no adro da Igrexa de Santo Estevo e rematará na praza César Conti coa queima da Sardiña e os Lardeiros.

 

Artigos relacionados

Back to top button