Minutos antes das nove da mañá deste martes 27 de agosto producíase un accidente de tráfico no Barco de Valdeorras. O sinistro tiña lugar no punto quilométrico 454 da estrada N-120.
Segundo informa o 112 Galicia, “tres persoas resultaron feridas nun choque no que se viron implicados dous turismos. As tres vítimas tiveron que ser trasladadas a un centro médico”.
Varias persoas particulares alertaron ao 112 Galicia do ocorrido e, decontado, o persoal do CIAE 112 Galicia puxo os feitos en coñecemento de Urxencias Sanitarias-061, da Garda Civil, da Policía Local, dos Bombeiros de Valdeorras e do GES Valdeorras.
