Rozando as oito e media deste venres 16 de xullo producíase un accidente de tráfico na céntrica rúa Conde Fenosa no Barco de Valdeorras. Un varón era atropelado cruzando nun paso de peóns, sendo desprazado uns metros do lugar do impacto aínda que permanecía consciente. A esta hora da tarde o sol pegaba de cheo na rúa.
Tras recibir o aviso do 112, ata o lugar dos feitos desprazábase a Policía Local do Barco de Valdeorras, a Garda Civil e dúas ambulancias do 061. Mentres os sanitarios atendían ao ferido que posteriormente era trasladado ao HPV, os axentes controlaban o tráfico.
