A comarca de Valdeorras estará durante o día de mañá, xoves 6 de agosto, en alerta amarela por altas temperaturas. Os ceos despexados e o sol estival provocarán temperaturas máximas de 37 graos no val do Sil, cun 40-70% de probabilidade. Os valores máis altos acadaránse nas horas centrais do día, entre as 14:00 e as 20:00 horas.
Segundo a Axencia Estatal de Meteoroloxía (AEMET), o xoves, practicamente toda a provincia de Ourense permanecerá en alerta con avisos para o noreste, a zona do Miño, o noroeste e o sur, ademais de Valdeorras. Nas comarcas do sur de Lugo acadaranse os 39 graos.