A Axencia Estatal de Meteoroloxía (Aemet) ten activado un aviso laranxa por vento e chuvias para mañá, 9 de outubro, en toda Galicia.
No caso da comarca de Valdeorras, de 8 a 13:59h. espéranse refachos de vento máximos de 100 km/h; e entre as 00:00 e as 15:59h. precipitacións acumuladas de 40 mm en 12 horas.
Debido á activación da alerta a “Comisión Escolar de Alertas decidiu suspender durante toda a xornada de mañá as actividades no exterior nos centros educativos de Galicia”, informan dende a Xunta, engadindo que para o caso de que as circunstancias da localidade onde se atopa o centro supuxesen un risco superior ao declarado e pasase a unha declaración de nivel superior, “as direccións poderán adoptar as decisións oportunas respecto das actividades extraescolares”. Adicionalmente extremaranse as condicións de circulación do transporte con seguimento das condicións climáticas.
