Hai uns días, facíanse públicos os resultados do Galiciaskills 2021, 6º Campionato Galego de Formación Profesional, organizado pola Consellería de Cultura, Educación e Universidade, sendo un dos premiados natural da Rúa.
Trátase de Alfonso Rodríguez Díez que lograba a Medalla de Ouro de Tecnoloxía da Moda, alumno do CIFP Paseo das Pontes baixo a supervisión da titora, María Cruz Iglesias Viqueira
Organizado pola Secretaría Xeral de Educación e Formación Profesional, Galiciaskills 2021 pretende “darlle unha maior proxección e difusión á formación profesional que se imparte en Galicia”. Trátase dun campionato eminentemente práctico, que consiste no desenvolvemento de 23 competicións relacionadas coas especialidades de formación profesional, nas que o alumnado participante mide as súas destrezas, demostrando as súas capacidades na realización das correspondentes probas.
