Un grupo de alumnos do IES Lauro Olmo do Barco realizaba esta mañá unha visita á exposición “Esencial”, conmemorativa do centenario do pintor desta vila Jesús Díaz Ferrer (1922-2022). No seu percorrido polas oito “esencias” nas que está estruturada a mostra (inspiración, lembranzas, sociedade, interior, paisaxe, formas, mirada e imaxinación) estiveron guiados polo comisario da mesma, o artista e historiador da arte barquense Luis Enrique Rodríguez Arias “Coquixo”.
A ampla cultura artística de Díaz Ferrer e o seu dominio de distintas técnicas fan posible, tal e como destaca Coquixo, que “nestas pequenas obras atopemos linguaxes como o realismo, o fauvismo, o construtivismo, o expresionismo, o op art ou pop art, pintado á acuarela, témpera, pastel, carbón, acrílicos ou creados co emprego de colaxes”.
A mostra “Esencial”, instalada na sala de exposicións de Abanca do Barco, poderá visitarse ata o 18 de xuño.
Fotos cedidas.