Coa proxección do documental ‘Florencio Delgado Gurriarán do A ao Z’ de Arraianos Producións na Rúa, despiden o ano As Letras de Florencio.
Á estrea simultánea no Centro Cultural Avenida da Rúa e máis en Youtube, asistían alumnos do Pablo VI-Fátima, IES Cosme López e CEIP Manuel Respino, ademais do director do documental, Aser Álvarez, que presentou a peza e conversou co público tanto na sala, como a através do chat de YouTube.
O domingo 18 ás 20 horas farase tamén a pre-estrea da longametraxe documental ‘Florencio na Terra’, de SocialDocs e dirixido por Domingo D. Docampo, tamén no cine da Rúa. A asistencia a ambas proxeccións é libre ata completar aforo.
Fotos cedidas.
