A Escola Oficial de Idiomas de Ponferrada gozou entre o 11 e o 18 de maio da mobilidade Erasmus+ que levou a 10 alumnos e dúas profesoras acompañantes do Departamento de Inglés a Dundalk, unha bonita poboación irlandesa a medio camiño entre Dublín e Belfast.
Tanto alumnos como profesoras aloxáronse con familias da devandita localidade, o que permitiu unha inmersión lingüística total. “Tivemos a oportunidade de traballar sobre sustentabilidade e coñecer de primeira man a historia do país, en ocasións dolorosa, a través das súas xentes, museos e paisaxes”, explican. Non faltaron as excursións en bicicleta, as camiñadas, as clases ao aire libre, a música e, como non, a gastronomía e algún pub emblemático da capital irlandesa.
Ademais, as novas tecnoloxías permitiron ter ao centro educativo de Ponferrada “sempre ao día das nosas actividades e compartir tanto fotos como as nosas impresións do que foi unha experiencia única e tremendamente enriquecedora”, aseguran as profesoras que participaron na viaxe.
Fotos cedidas.
