A Xunta Electoral Central vén de ampliar o prazo para depositar o voto por correo nas vindeiras eleccións galegas ata o vernes 10 de xullo, ás 14 horas.
“A Xunta Electoral Central tomou esta decisión a petición de Correos. Este prazo finalizaba inicialmente o día 8 xullo, pero coa decisión de ampliación adoptada, os cidadáns que soliciten exercer o seu dereito ao voto por correspondencia para as eleccións que se celebrarán o 12 de xullo, disporán de máis tiempo para depositar o seu voto”, tal e como informa Correos.
Ademais, Correos deberá asegurar a entrega dos citados sobres con votos nas respectivas mesas electorais na xornada electoral, o domingo, 12 de xullo, dentro dos prazos legalmente establecidos, tal e como indica esta mesma entidade.
