PolíticaÚltima hora

Ana Pontón: “Os gobernos locais nacionalistas son sinónimo do bo facer”

O BNG celebraba en Santiago cun cumio local de rexedores este sábado

 

Para Ana Pontón, “estamos ante unha cita coas urnas na que podemos abrir un tempo novo que signifique un cambio de políticas”, destacaba a candidata á Xunta polo BNG no cumio de alcaldes nacionalista que vén de celebrarse esta mañá en Santiago, no que puxo en valor as políticas “de transformación e de vangarda que desenvolven os gobernos locais nacionalistas, gobernos que son sinónimo de bo facer, xestión eficaz e honesta ao servizo da veciñanza e capaces de mellorar a vida das persoas en vilas e cidades”.

A candidata do BNG considéraos “un espello no que mirarse e un modelo de éxito” que agora trasladar ao conxunto de Galicia “liderando o Goberno galego a partir do 12 de xullo, de tal xeito que as políticas municipais do Bloque que hoxe son referentes a nivel internacional podan aplicarse en toda a Galiza desde a Xunta”.

 

 

Pontón insistiu en que o cambio galego “é posible se todas as persoas que queren deixar atrás a decadencia de dez anos de PP se mobilizan de xeito masivo optando polo BNG e, por primeira vez na historia, poñer ao fronte da Xunta a unha muller e a unha nacionalista”.

“Do local ao global para cambiar o mundo”, explicaba Pontón, “para dar respostas desde o local como a mellor maneira de solucionar os problemas e esa forma de actuar dos gobernos municipais nacionalistas demostrou a súa eficacia ante situacións como a derivada da COVID19, con políticas sustentables que poñen as persoas no centro”.

Entre os asistentes ao cumio estaban alcaldes da provincia como os de Viana do Bolo, A Mezquita ou Allariz, entre outros.

 

Artigos relacionados

Back to top button