17,5 km que percorrerán diferentes puntos da comarca das Terras de Trives. Esa será a distancia que cubrirá a andaina que organizará o vindeiro 1 de xullo o Club Montaña Trives. Os participantes sairán de Trives, e máis en concreto da Cafetería O Cafeto, ás 9h. Dende alí iniciarán un traxecto que pasará pola Cabalar, Sobrado, Manzaneda, o Castiñeiro de Pombariños, Castro e que, finalmente, voltará a Trives.
Esta andaina, de dificultade moderada, contará cun punto de avituallamento no citado Castiñeiro de Pombariños, no concello de Manzaneda.
As persoas interesadas en participar poderán inscribirse a través do correo electrónico club.montana.trives@gmail.com. O prezo da actividade será de 2 euros para os socios e de 4 euros do club para os non socios.
