A Sala de Exposicións de Verín acollerá dende mañá 18 de xaneiro e ata o 17 de febreiro, a mostra “As caras do Entroido ourensán. Senlleiro e ancestral”.
José Manuel Sánchez retrata nesta serie de 22 acuarelas as máscaras máis relevantes da festa coa que tradicionalmente se celebra o paso do inverno á primavera. O Labardeiro de Mugares”, o Galo da Mezquita (A Merca), o Irrio de Castro Caldelas, o Troiteiro de Bande, os felos de Esgos e Boborás; os boteiros de Viana do Bolo e Vilariño de Conso son algunhas das máscaras seleccionadas, entre as que se encontra o Cigarrón de Verín.
A exposición, monográfica e concibida para a itinerancia, foi presentada no Centro Cultural Marcos Valcárcel (Ourense). Xa estivo no Museo do Entroido en Xinzo de Limia e no Castelo de Maceda e agora exhibirase en Verín durante todo o ciclo del Entroido verinense, tendo previsto continuar percorrendo as vilas ourensás.
A Sala de Exposicións de Verín abre de luns a venres de 17 a 21 horas e os sábados e 10 a 14 e de 17 a 20:30 horas.
