Coma sempre, coma nunca. As comadres da Rúa non fallan e na noite do xoves 27 de febreiro volveron brillar con luz propia con orixinais e elaborados disfraces, coidadas coreografías e moitas ganas de diversión.
Primeiro polos bares e rúas da vila, poñendo en escena o ensaiado (aquí o espectáculo do grupo Locomía facía vibrar á xente) e despois no Casino da Rúa, centos de mulleres desfrutaron da súa noite logo de deixar voar a imaxinación.
Había fadas, seres extraterrestres, vellas, bebés,… tamén personaxes de cine e moito dos anos 80. Incluso estaba Wally (dobre) escondéndose entre a xente e aparecendo de xeito inesperado nas fotos.
Entre copas, comida, bailes e moita música, A Rúa vivíu por todo a alto a súa Noite de Comadres.
Fotos e vídeos: Mónica G. Bellver.
