ConcellosÚltima hora

As festas de San Xoán de Río propoñen actividades para todos os públicos

A Cea do emigrante será mañá, venres 9 de agosto, a partir das dez da noite
Cea do emigrante en Río.

Con actividades para todos os gustos e públicos se presentan as Festas de Verán de San Xoán de Río que comezán mañá, venres 9 de agosto, e que se estenderán ata o domingo día 11.

O programa arrancará mañá ás 22h. coa Cea do emigrante na que por 15 euros (últimas entradas á venda) poderase degustar un menú a base de empanada, carne ao caldeiro, bica e bebida. De seguido a orquestra Charleston Big Band amenizará a verbena.

Para o sábado día 10 hai programadas diferentes actividades (adestramentos de tiro ao prato no campo de fútbol A Abelleira; campionato de futbolín absoluto no bar Cruceiro; festa da escuma e inchábeis na praza do Concello e campionato de dardos absoluto), antes do baile a cargo do Trío Arte en sesión de tarde e verbena.

As actividades repetiranse o domingo día 10. De 11 a 14h. serán os adestramentos de tiro ao prato estando prevista para a tarde, de 16 a 21:30h. a tirada. De 17 a 19h. celebrarase o campionato de futbolín infantil; e de 19 a 21h. as semifinais e finais dos campionatos absolutos de futbolín e dardos.

Artigos relacionados

Back to top button