Na reunión reunión que o presidente da Xunta de Galicia, Alberto Núñez Feijóo, mantiña esta mañá co comité clinico de expertos aprobábase definitivamente o protocolo de explotacións agrícolas nos traballadores temporeiros de cara á vindeira campaña da vendima na comunidade. Así o sinalaba o titular do goberno galego tras o encontro.
“O obxectivo é incrementar a seguridade sanitaria nas campañas, conxugando a continuidade da actividade coa saúde dos traballadores. Dende o 20 de agosto empezaremos a aplicar tamén test que realizaremos entre 3.000 e 4.000 persoas que están contratadas ou van ser contratadas basicamente para a vendima. Parécenos algo moi importante na nosa comunidade autónoma e estamos preparados ao efecto. Realizaremos probas de detección de infección polo virus nos traballadores de forma previa ao inicio desta campaña”, explicaba Alberto Núñez Feijóo.
