Preto de 600 voluntarios de 66 agrupacións de Protección Civil da provincia de Ourense están a colaborar nesta xornada, realizando funcións de vixilancia e supervisión para asegurar o cumprimento das medidas en materia de saúde pública. Desta maneira, preténdese garantir unha votación segura e sen risco.
Así, algunhas dos labores específicos dos voluntarios son os de informar aos votantes da obrigatoriedade de acceder ao local con mascarilla e de manter a distancia de seguridade, axudar aos electores cos fluxos de saída e entrada dos locais evitando que se produzan aglomeracións, ou colaborar para a súa entrada no local dun en un e axudar a todas as persoas que o precisen.
Dispositivo de seguridade en Galicia
Por outra banda, no conxunto de Galicia, mobilizáronse ata 6.866 axentes das forzas e corpos de seguridade nesta xornada electoral. Do total de axentes que se despregaron este domingo, 3.791 corresponden á Garda Civil, mentres que o Corpo Nacional de Policía achega 2.001 efectivos. Cóntase ademais con 927 axentes de diferentes policías locais e 147 membros da Policía Nacional adscrita á comunidade.
Fotos: Carlos G. Hervella, Alba Prada e cedidas.
