Vilanova móvese. Da man de tres veciños desta localidade valdeorresa estase organizando un evento para o día 12 de outubro. Trátase dunha festa da cervexa patrocinada por Keler que contará con concertos a cargo de dous grupos de xente moi xove que forman parte de AMAVA (Asociación de Música Alternativa de Valdeorras), The Green Angels e Seika.
Comezará a partir das 18 horas nas Pistas de Vilanova e contatá tamén con varias food truck. “De momento contamos con Pinkandmint Crepería e La Moraleta Burguer pero esperamos traer outra máis”, adiantan dende a organización, asegurando pola noite a música estará asegurada con Dj Opium do Barco.
Como medio de financiación para a carpa, grupos e demais gastos, porán á venda camisetas co logo da festa.
