O centro escolar participaba na mañá do 7 de febreiro na campaña contra a fame de Manos Unidas
A vida dun terzo das mulleres do mundo “non é como te imaxinas”. Con esta premisa, na mañá do 7 de febreiro participaban no colexio diocesano San Pablo VI-Fátima da Rúa na campaña contra a fame no mundo, que organiza a ONG católica “Manos Unidas”. Co obxectivo de “colaborar para cambiar esa realidade”, contaron coa asistencia de dous misioneiros, un deles a relixiosa Mª Gema del Castillo, que contaron en primeira persoa as súas experiencias.
O programa no centro rues estivo dividido por ciclos (Educación Primaria e ESO) incluíndo os testemuños misioneiros, tarefas de titoría e o tradicional “bocata solidario”, que os estudantes degustaron no patio.
Fotos cedidas.
