Os karatekas non descansan. Na xornada do xoves 27 de abril daba comezo na Coruña a Youth League, unha competición de calibre internacional que nunca antes se celebrara en España e que contará con representación valdeorresa.
Será da man de Brian Rodríguez Carballo do River Stone O Barco, que competirá en kata individual xuvenil masculino. Nesa categoría, na modalidade avanzado, Brian lograba a medalla de ouro na xornada 3 da Liga Galega de Karate disputada o 15 de abril no pavillón de Calabagueiros, no Barco de Valdeorras.
