As diferentes aldeas do municipio de Trives e tamén a vila recibían na tarde deste 5 de xaneiro unha visita máxica e moi especial: a de Melchor, Gaspar e Baltasar. A comitiva dos Reis Magos, encabezada por Protección Civil, partía ás 15,30h de Trives. As súas maxestades viaxaba, acompañadas dos seus paxes, nun vehículo antigo descapotable e facían un longo itinerario para visitar as diferentes localidades onde hai nenos: Barrio, Sas, Santa María, A Pena Folenche, San Mamede, Pareisás, Cova, Penapetada, Anagaza, Somoza, A Encomenda, Sobrado, Mendoia, San Fiz, Vilanova, Carballal, San Lourenzo, Mormenta, Castro e Cotarós.
Esta cabalgata itinerante íase contando en tempo real a través das redes sociais do Concello de Trives, con fotos e descricións correspondentes e cada unha das aldeas, co fin de facer partícipes ao conxunto dos veciños deste traxecto dos Reis Magos.
Finalmente, a cabalgata volvía á vila, facendo un percorrido polas súas rúas. Ao rematar, Protección Civil de acompañaba ás súas maxestades de Oriente a levar un chocolate quentiño con roscón aos médicos do Centro de Saúde de Trives en agradecemento polo seu labor e para que sigan a coidando dos veciños.
Dende o Concello de Trives vén de manifestarse o seu agradecemento a todos os voluntarios que fixeron posible este “día tan especial”.
Fotos e vídeo cedidos polo Concello de Trives.
