Campionato de tiro ao prato, esta fin de semana na Veiga

O tiro ao prato únese á oferta deportiva deste verán na Veiga. Coa colaboración das armerías Alfer e Reclamo, e do Concello, esta fin de semana celebrarase unha tirada na que se repartirán máis de 25 premios (xamóns, medallas, cascos, lotes de embutidos e viño, chalecos, pienso,…) para os tres primeiros clasificados da tirada, dos adestramentos e tamén para os locais.

O sábado 29 de xuño de 11:30 a 14 e de 15:30 a 21:30, e o domingo 30 de xuño de 11 a 14 horas terán lugar os adestramentos; e o domingo de 15:30 a 21:30 horas, a tirada.

Tal como avanzan dende a organización, haberá desempate no primeiro posto, “o resto será por orde de inscrición” e o prezo para participar será: tirada, 20€ +reenganche, 10€; adestramentos, 10€; e locais, 10€.