O encoro das Conchas na área turística–deportiva do Corgo (Muíños) acollerá o vindeiro 3 de abril o campionato galego de piragüismo “novas promesas”, para as categorías infantil e cadete.
Desenvolverase “baixo unhas estritas medidas de seguridade e hixiénico-sanitarias, gardando en todo momento as recomendacións gobernamentais e o protocolo federativo”, tal e como sinalan dende a Federación Galega de Piragüismo, organizadora da proba co patrocinio do Concello de Muíños, así como coa colaboración do club local SCXD. Fontefria.
Neste campionato están inscritos un total de 626 deportistas (408 nenos e 218 nenas), pertencentes a 40 clubs de toda a xeografía galega, que competirán en piraguas individuais nun percorrido en circuíto de 3.000 m os infantís, durante a xornada de mañá e de 5.000 m os cadetes durante a tarde, a fin de evitar calquera tipo de aglomeración de deportistas.
Ao mesmo acudisen os clubs ourensáns de Fluvial O Barco, Escola Ourensá municipal de piragüismo, Fluvial Avión-Castrelo de Miño, e Fluvial Allariz.
