Partían con moitas ganas e enerxía e lograban os mellores resultados. Na mañá do domingo 6 de outubro dous Andarines Arcos-Trevinca facían podio no Gran Premio de Montaña-I Andaina Serra de Cereixido celebrado nos montes da Rúa.
Os veteranos valdeorreses Carlos Lopéz e Carlos Vázquez, tío e sobriño, conseguían o primeiro posto nas súas respectivas categorías, +50 e +60. Carlos López Gudiña facía tamén podio como terceiro clasificado na xeral masculina.
Pretendían facer o mellor tempo posible e finalmente completaban os 25km da andaina longa nun tempo de 3h58m57s.
