Un total de 226 socorristas de 33 clubs de 13 comunidades autónomas participaban nesta fin de semana no XI Campionato Máster de España de Salvamento e Socorrismo celebrado no complexo deportivo dos Campos Góticos, en Palencia. O club de salvamento acuático Ourense, Salvour, acudía cunha única deportista, a ourensá Cristina García Colomo, única representante da provincia que destacou cunha “actuación impecable”, aseguran dende o club.
Na xornada do sábado Cristina que batía un récord de España e proclamábase campioa na proba de 100 metros socorrista cun tempo de 01:27:36; logrando ademais dous ouros en 100 metros natación obstáculos cun tempo de 01:23:62 e en 50 metros remolque maniquí cun tempo de 00:54:25.
E xa o domingo, a nadadora ourensá proclamábase subcampioa cunha medalla de prata na proba de 100 metros remolque maniquí con aletas cun tempo de 01:34:23.
A próxima cita do club ourensán será o 16 de marzo en Ourense onde se celebrará a fase final de liga en categoría absoluta de 1ª e 2ª división.
