Nunha cea de gala que reunía a unhas 180 persoas no Salón Victoria do Hotel Finisterre da Coruña tiña lugar na noite do 3 de xuño a entrega das distincións aos Grandes Ouros da “Guía de Viños, Destilados e Bodegas de Galicia 2019”, que dirixe Luis Paadín. Este acto, organizado por Paadín Eventos (editora do libro), contaba ademais coa presenza duns 55 adegueiros galegos.
A cea tiña como limiar ás 19h. unha degustación duns 80 “Grandes Ouros” brancos e tintos (6 da D.O. Monterrei, 13 da D.O. Valdeorras, 14 da D.O. Ribeira Sacra, 16 da D.O. Ribeira Sacra, 26 da D.O. Rías Baixas, 2 Des-Amparados e 2 destilados). A cata estaba acompañada pola música dun cuarteto de jazz.
A partir das nove e media da noite comezaba a entrega dos recoñecementos, agrupándoos por denominacións de orixe. Os diplomas que recibían de mans de Luís e Alejandro Paadín foron realizados polo Estudio de Diseño Marta Lojo. “Hoxe hai aquí adegueiros mozos e outros que xa están en franca retirada. Eu coñezo a moitos deles dende hai 25 anos, cando montamos a primeira viñoteca en Coruña”, comentaba ao inicio do acto Luis Paadín, quen lembraba que xa daquela se apostaba polas referencias das diferentes denominacións de orixe galegas. “E hoxe seguimos apostando de forma clara e inequívoca polos viños galegos, e o que máis me gusta e me entusiasma agora é que todo o mundo se suma, e iso aplaudímolo”.
Paadín destacaba que “nestes momentos Galicia está de moda e os nosos viños son unha marabilla grazas, sobre todo, ao esforzo actual que están facendo os adegueiros, pero tamén a que nós facemos viño dende hai 2.000 anos” e, con esta homenaxe, engadía, “queremos darvos as grazas a todos. Nós seguiremos apostando de maneira inequívoca aos viños galegos”.
Ademais facíase entrega de 8 premios “Ampelos”, unha escultura conmemorativa coa que a Guía recoñece a aquelas adegas que teñen conseguido xa cinco Grandes Ouros. A peza que se lles entregaba aos adegueiros reproduce a pequena escala un conxunto escultórico de época romana atopado na comarca de Monterrei e que representa a Baco (deus romano do viño), asistido polo seu discípulo “Ampeolos”.
Despois dos premios tiña lugar unha cea na que o menú estaba ademais acompañado polos viños con Gran Ouro e Ouro das adegas presentes no acto.
Fotos: Carlos G. Hervella.
Viños premiados na Gala por denominacións de orixe
D.O. MONTERREI
Crego e Monaguillo tinto 2018
Father 1943 2016
Fraga do Corvo tinto 2017
Lobarzán Isaura blanco 2016
Mara Moura 2016
Quérote 2016
Trasdovento 2017
D.O. RÍAS BAIXAS
Aguiuncho Selección 2011
Alalá 2015
Albariño de Fefiñanes III año 2015
Attis Atlante 2016
Condes de Albarei “En Rama” 2013
Contraaparede 2012
Davila 2016
Don Álvaro de Bazán 2014
Fillaboa 1898 2010
Frore de Carme 2015
Gallaecia 2013
Gran Veigadares 2011
La Mar 2014
La Val Lías 2011
Manuel D´Amaro Albariño 2017
Noelia Bebelia 2017
Pazo de Señoráns Selección de Añada 2010
Pedranai 2017
Sacabeira 2017
Señorío de Rubios Gran Coupage 2017
Sesenta e Nove Arrobas 2016
Sin Palabras edición especial 2010
Vindel 2015
D.O RIBEIRA SACRA
A Rosa do Viño 2015
Abadía da Cova 1124 2015
Algueira Fincas 2015
Algueira Risco 2015
Algueira Serradelo 2015
Capricho 2015
Expresión Histórica 2015
Neno da Ponte Migueltas 2015
Neno da Ponte Oubenzas 2017
Sabatelius carballo 2016
Tolo do Xistos Os Conventos 2015
Viña Peón 2017
D.O. RIBEIRO
A Teixa 2016
Armán Finca Os Loureiros 2016
Coto de Gomariz Finca O Figueiral 2016
Emilio Rojo 2016
Finca Viñoa Embotellado Tardío 2015
Finca Viñoa Paraje Penaboa 2014
Patito Feo 2017
Pazo Tizón Extramundi 2016
Ramón do Casar Nobre 2015
Super Heroe 2016
Tega Do Sal 2017
Terra do Castelo Sobre Lías 2013
Tostado de Costeira 2013
Toubes 2015
Val de Nairoa 2016
Viña de Martín Escolma 2014
D.O. VALDEORRAS
200 Cestos de A Coroa 2016
A Coroa Ladeira Vella 2015
Escada 2016
Escada Lembranzas 2015
Fardelas de Viñaredo 2015
Godeval 1986 2017
Guitian + 50 Meses 2011
Lagar do Cigur Garnacha Tintorera 2013
Maldito 2016
O Luar do Sil barrica 2015
Traste 2016
DES-AMPARADOS
Eido da Salgosa 2017