A Confederación Hidrográfica do Miño-Sil (CHMS) vén de licitar por 4.467.085 euros o contrato de servizos para executar “Actuacións de conservar do Dominio Público Hidráulico da Demarcación Miño-Sil” e por importe de 559.776 euros o contrato de Servizos de Asistencia Técnica á dirección destas actuacións.
O obxectivo do proxecto, que executará o Ministerio, a través da CHMS, “mellorará o réxime fluvial natural ante eventualidades que mermen a capacidade de desaugadoiro como consecuencias da acumulación de árbores caídos -mortos ou decrépitos-, ramas baixas, etc” que provocan zonas de tapóns e represas vexetais, o que dificulta a circulación das augas e provoca arrastres de orixe vexetal e antrópico.
Tamén están previstas actuacións de defensas das marxes contra avenidas coa reparación, reconstrución e estabilización dos noiros e diques máis debilitados, ademais das limpezas e rozas selectivos que complementen as actuacións descritas.
Os traballos foron divididos por lotes para “unha mellor xestión”, apuntan dende a CHMS, e desenvolveranse no territorio da CHMS nas provincias de León, Lugo, Ourense, Pontevedra e Zamora. A duración destes traballos serán de 24 meses que poderían ser prorrogables por 12 meses máis.