A sede da Fundación Vicente Risco, en Allariz, acollerá do 22 de abril ao 19 de xuño unha mostra sobre a obra de Miguel Robledo: “Luz de Corte”.
A exposición reúne obras do ilustrador ourensán Miguel Robledo realizadas nos últimos cinco anos, que inclúen, entre outros, traballos para Aira Editorial, Punto e Coma, Fundación Cidade da Cultura, Allariz Debuxado, Sindicato del Cómic e Eurisaces Editorial; así como obra persoal e unha pequena mostra dos seus cadernos de bocetos.
