Seguindo o circuíto establecido xa no exterior do IES Lauro Olmo do Barco, e respectando as distancias de seguridade, comezaba a entrar o seu alumnado a clases dende as 8:30h. deste mércores 23 de setembro. Era un reencontro coas aulas totalmente inédito e marcado polas medidas do protocolo anticovid.
Os primeiros en acceder ao instituto eran os estudantes de 1º e 2º da ESO. Facíano gradualmente, ao ser chamados, por orde de lista. A mesma escena repetíase, unhas horas de despois, coa entrada, tamén escalonada, do alumnado de primeiro de bacharelato.
Fotos: Carlos G. Hervella.