Unhas 400 persoas dábanse cita ás seis e media da tarde do 10 de novembro na praza do Prado de Castro Caldelas para celebrar o tradicional magosto. Alí instalábase unha carpa climatizada na que os veciños podían degustar deliciosas castañas asadas, chourizos, viño de Ponte da Boga e refrescos. E, como sobremesa, bica. A entrada a este magosto custaba 2 euros.
A velada estaba ademais animada polo dúo Xolda e incluía un concurso de doces.
Fotos: Carlos G. Hervella.
