Conferencia do Dr. Justo M. Carnicero, no Barco

o vindeiro venres 22 de xaneiro ás 20 horas, o salón de actos do edificio multiusos do Barco de Valdeorras, acollerá unha conferencia organizada polo Instituto de Estudos Valdeorreses que será impartida por Justo M. Carnicero Méndez-Aguirre, doutor en Biblioteconomía e Documentología pola Universidade de Salamanca, historiador, escritor e investigador.

O doutor Carnicero, falará de escritores valdeorreses de relevancia que perteneron á Compañia de Jesús e que son practicamente descoñecidos na súa terra, un tema que “formou parte da tese doutoral do conferenciante e que lle valeu a máis alta calificación”, explican dende o IEV.

O acto será presentado polo escritor, historiador e Mémbro de Mérito do IEV, Antonio Castro Voces.