CulturaCulturaÚltima hora

Conta atrás para o VIII Festival Internacional ViBoMask Mascarada Ibérica

Celebrarase do 17 ao 19 de marzo en Viana do Bolo e Vilariño de Conso

Un momento da anterior edición do festival en Viana do Bolo./ Foto: A.R.

 

Máis de 40 tradicións, algunhas das festas de inverno máis senlleiras da península reuniranse na fin de semana do 17 ao 19 de marzo no VIII Festival Internacional ViBoMask Mascarada Ibérica, que se celebrará en Viana do Bolo e Vilariño de Conso.

O programa encetarase o venres 17 de marzo ás 12 horas no IES Carlos Casares de Viana do Bolo, coas conferencias do fotógrafo Pedro García e do artesán Xosé Manuel Seixas. Ese mesmo día pola tarde, ás 17 horas inaugurarase a exposición “O Entrudio de Viana do Bolo no tempo” e ás 20 horas comezará a foliada polas rúas e bares de Viana.

 

Participantes na VIII ViBoMask.

 

O programa continuará o sábado, 18 de marzo. A partir das 12 horas cobrará vida o ViBomarket na praza Maior de Viana e nas rúas próximas e ás 12:30 horas haberá sesión vermú coa charanga Fuego. Un dos momentos máis esperados será o desfile, cuxo inicio está previsto para as 16:45 horas, e no que participarán máis de 40 festas de inverno da península. Partira da rúa Toural ata a praza Maior, situándose o seu remate ao final da rúa das Mazairas. A festa continuará en Viana a partir das 23 horas coa actuación de Nova Era, Guezos e SkaloPndras na mesma praza.

A derradeira xornada do Festival Internacional ViBoMask, o 19 de marzo, estará centrada en Vilariño de Conso. Ás 10:30 horas porase en marcha o ViBomarket na praza e nas rúas próximas e para as 11:45 horas está previsto o inicio do desfile, no que de novo as tradicións e as máscaras de diferentes puntos da península tomarán as rúas.

Máis información na edición en papel do Periódico O Sil.

Artigos relacionados

Back to top button