Dominio absoluto do Verín CF no partido que disputaba esta tarde no estadio José Arjeriz fronte ao equipo visitante CD Velle. Ata en catro ocasións lograban os locais traspasar a portería do Velle, a primeira no minuto 45 da man de Adrián Mouriño, quen apenas 3 minutos despois marcaba un novo gol e logo un terceiro no minuto 65.
O conxunto verinés mantiña o control do partido e aseguraba a súa vantaxe cun novo tanto que desta volta tiña a sinatura de Luis Ossorio “Luisito” (no minuto 71).
Non sería ata preto do final cando os xogadores do CD Velle lograban estrear o marcador cun gol de Alberto Carrelas no minuto 88. Deste xeito o Verín CF pecha a xornada 16 sumando tres puntos ao seu haber.
Fotos: Carlos G. Hervella.
O primeiro gol de Mouriño imaxe a imaxe