Ante o incremento de positivos de Covid-19 na comarca de Monterrei, que vén de duplicar os seus casos nos últimos cinco días, a Área Sanitaria de Ourense, Verín e O Barco realizará o vindeiro venres 30 de xullo un cribado.
Terá lugar no pavillón de deportes de Verín (Rúa Irmáns Moreno 15), entre as 16h. e as 20:30h. O cribado irá destinado á poboación con idades comprendidas entre os 16 e os 35 anos para detectar casos positivos asintomáticos. A autoinscrición pode realizarse no enlace: https://coronavirus.sergas.gal/cribado/Rexistro.aspx?ling=es
A Comarca de Monterrei ten a día de hoxe 97 casos activos (Castrelo de Val, 3; Cualedro,0; Laza, 2; Monterrei, 18; Oímbra, 1; Riós, 8; Verín, 69, Vilardevós, 6), segundo informa a Consellería de Sanidade.
