Moita música de diferentes estilos, teatro, zumba, orixinais propostas e por suposto torneos. Moi variadas e divertidas son cada ano as Festas de San Roque, organizadas pola Asociación Sabugueiro que se están a desenvolver na Rúa Vella.
O sábado foi un dos días máis completo coa multitudinaria e colorida Volta Ecolóxica e o Campionato de Tute por Parellas na praza César conti que este ano gañaban David Pérez e Marcos Yáñez (corpo técnico do CD Córgomo Vilamartín) tras vencer a Luis María Ferrer e Javier.
Os trofeos recollíanos no decurso da festa a cargo da orquestra Arizona.
