De Ruada entrega mañá o VII Premio Xabier Prado “Lameiro” no Liceo

O Liceo de Ourense acolle mañá, venres 7 de outubro, a cerimonia de entrega do Premio Xabier Prado “Lameiro”, que na súa sétima edición recae na asociación santiaguesa Cantigas e Agarimos. A cita, pois, iniciarase ás 20 horas e terá entrada grautíta até completar aforo.

Comezará cunha breve semblanza sobre a vida e a obra de Xabier Prado “Lameiro” e posteriormente haberá unha representación do sainete galego en prosa “Os trasacordos de Mingos”, de “Lameiro”. A continuación haberá unha actuación musical coa interpretación do Dúo de Maripepa e Manoel da zarzuela galega “Miiñatos de vrán”.

A última parte completarase coa entrega do premio propiamente dito e pecharase coa acutación da Coral de Ruada, a organizadora do galardón.