O incendio orixinado en Riodolas (Carballeda de Valdeorras) segue sen dar tregua. Arredor das 13:30h. a Garda Civil comezaba a desaloxar a localidade de Domiz (Carballeda) pola proximidade do lume, que se reactivaba con forza a partir das 12h. por mor do vento.
Así o confirmaba ao Periódico O SIL a alcaldesa de Carballeda de Valdeorras, María Carmen González. “A situación está moi complicada, estase desaloxando Domiz, o importante son as persoas, as cousas xa se arranxarán”, comentaba con gran preocupación a rexedora. “En Candeda a situación está controlada polo de agora”.
Fotos: Carlos G. Hervella.