Na tarde deste mércores 23 de agosto descarrilaba un tren de mercadorías ao seu paso polo concello de Vilamartín de Valdeorras.
Pasaban das catro e media da tarde cando cinco vagóns de cola do tren que circulaba dirección Vigo saíanse da vía na recta de Valencia do Sil paralela á N-120 quedando envorcados. Tal como indica o alcalde de Vilamartín Enrique Álvarez, algún dos vagóns está perdendo “algún tipo de líquido que está cubrindo a estrada”. Por se fora perigoso os equipos de emerxencia e corpos de seguridade están tomando precaucións ao respecto.
O condutor do tren está en perfecto estado.
Aa o lugar dos feitos desprazábanse o GES Valdeorras, membros de varias agrupacións de Protección Civil, a Garda Civil, a Garda Civil de Tráfico e os bombeiros do parque comarcal.
Dende Adif indican que dende o momento do descarrilamento está “interrumpida a circulación do tramo Ponferrada-Monforte de Lemos entre Vilamartín de Valdeorras e A Rúa-Petín”.
Fotos e vídeos: Carlos G. Hervella e cedidos.
