Festa popular, pero tamén unha fonda devoción. Numerosas persoas acudían neste 4 de xuño á romaría do Pai Eterno de Lardeira (Carballeda de Valdeorras), cuxo acto central era a procesión. Malia que durante a mañá chovía, ás 12:30h. cesaba a auga, e isto permitíalle a veciñanza sacar as imaxes do Pai Eterno e a da Virxe polas rúas da localidade.
A misa estivo oficiada por tres sacerdotes, dous deles eran o párroco de Lardeira, Juan José Prieto, e o arcebispo emérito de Santiago, Julián Barrio, que lle agradeceu a Prieto telo convidado, algo que fixo a través de Isidro García Tato.
No decurso da celebración relixiosa interpretábanse os “Gozos” do Pai Eterno, cunha serie de estrofas que interpretan, de forma alterna, mulleres e homes. Unha tradición que monseñor Julián Barrio lles animou a manter viva (vídeo Carlos G. Hervella).
Na celebración relixiosa participaban numerosas persoas, algunhas das cales chegaban andando en peregrinación.
Fotos e vídeo cedidos.
En breve ampliarase galería fotográfica.