O Pádel Club Valdeorras está de noraboa. Vén de celebrar o segundo aniversario cun exitoso torneo e un dos compoñentes do equipo, Diego Vázquez Méndez, está clasificado co equipo Pádel Clínica Vázquez (pádel por tres) de Ponferrada para xogar o Máster Final de Series Nacionais Sénior (máis de 40 anos) na categoría Gran Slam, a máis alta da competición.
A cita será os días 16 e 17 de novembro en Jerez onde Diego e os seus compañeiros competirán cos mellores equipos das diferentes zonas de España.
