Cecilia Vázquez pon en valor as potencialidades do sector do tempo de lecer no marco do proxecto Iniciativa Xove
As Xornadas de Tempo Libre que se están levando a cabo en Ourense polo grupo informal Argalleira contaron hoxe cunha participación especial: a da directora xeral de Xuventude, Participación e Voluntariado da Xunta. Cecilia Vázquez visitou a cidade das Burgas para poñer en valor as potencialidades do sector do tempo de lecer no marco do programa Iniciativa Xove, da Consellería de Política Social.
Este proxecto ten como obxectivo promover a participación e a implicación da xuventude na construción dun tempo libre de calidade. Así, Vázquez subliñou que a Iniciativa Xove potencia o desenvolvemento de proxectos coma este, que evidencian a capacidade de iniciativa dos nosos mozos e contribúe a descubrir e potenciar o talento xuvenil”.