Non será unha presentación ao uso dun libro, senón unha “discusión aberta” en torno á última obra publicada polo filósofo compostelán Ignacio Castro Rei: “Ética del desorden. Pánico y sentido en el curso del siglo” (Pre-Textos, 2017). Trátase dun libro extenso e riguroso estruturado en sete partes: unha introdución, seguida de cinco capítulos (“Tramos del día”, “¿Qué significa sentir?”, “Lugares del tiempo”, “Vivientes” e “Formas de hablar”) e dun epílogo, titulado “Política del eterno retorno”.
Este debate aberto sobre a obra terá lugar o vindeiro xoves 22, ás 19h, no salón de actos da Facultade de Filosofía de Santiago de Compostela (praza de Mazarelos). No encontro participarán, ademais do autor, Federico Silvestre, Alberto Sucasas e Javier Turnes.