Como cada ano con motivo do Día Intenacional da Discapacidade que se conmemora o 3 de decembro, Disvalia (Persoas con Discapacidade de Valdeorras Asociadas) sae á rúa para dar a coñecer a asociación.
Así o facían na mañá deste sábado día 2 de decembro, instalando na praza do Concello do Barco de Valdeorras, un posto con información e flores no que están varias socias do colectivo coa presidenta Begoña Dacal á fronte.
A iniciativa ten como obxectivo concienciar á xente sobre a problemática que sofre a xente con discapacidade e tamén recadar cartos para a asociación coa venda de flores de inverno (cedidas por Esnat), entre elas as tradicionais de Nadal.
Fotos: Carlos G. Hervella.