Entre o 7 e o 14 de setembro O Barco de Valdeorras celebra as Festas do Cristo máis esperadas despois de dous anos de paréntese trala pandemia de Covid. Unhas festas que recuperan todos os actos tradicionais, tanto relixiosos como lúdicos e por suposto deportivos.
Como cada ano no Especial Cristo que xa está á venda en quioscos e librarías, facemos especial fincapé a este último apartado, debullando ata o máis mínimo detalle das diferentes propostas. Dende o Campionato de Petanca que se celebrará o sábado 10 de setembro nas pistas do Chao, en horario de mañá e tarde, o Memorial Jess Carrera de fútbol sala, ou o Madrugón o día do Cristo (14 de setembro); ata o Descenso do Sil que este ano celebra a LIV edición ou a Milla Urbana que cumpre xa a XXIV edición.
