Tras a última actualización de datos a Área Sanitaria de Ourense, Verín e O Barco rexistra un total de 152 casos activos, dos cales 124 permanecen a seguemento a domicilio e 28 están ingresados. No Hospital Universitario de Ourense hai 25 pacientes ingresados en planta e 2 en UCI, no Hospital Público de Valdeorras hai un ingresado en planta e outro no Hospital de Verín.
Hai outro paciente ingresado en UCI no CO.SA.GA. Os tres pacientes ingresados na UCI teñen “prognóstico grave”, segundo confirma o Sergas.
Test AutoCov en Valdeorras
Na xornada do 23 de marzo realizábanse 8 test no punto de recollida de mostras situado no Hospital Público de Valdeorras. Neste martes fixéronse 8 máis a domicilio e esta tarde teñen citados a 9 persoas máis, segundo o Sergas.
O total de probas PCR (test COVID-19) realizadas na Area Sanitaria de Ourense, Verín e Valdeorras, ata onte, luns 23 de marzo ás 18h. era dun total de 580. Os test positivos foron 152.